Marang 2

Setswerere sa puo se kgona go bua, go reetsa, go bala puo kgotsa go e kwala. Menangwana eya puo e dirisiwa mmogo mo matshelong a rona a letsatsi le letsatsi. Se moithuti a kgonang go se bona ka matlho, o ka bua ka ga sone. Se a buang ka ga sone, yo mongwe o mo reeditse. Fa motho a reeditse, o ka kwala dintlha tsa botlhokwa. Se se kwadilweng, se kgona go balwa. Moono o mogolo wa thuto ya Setswana ya dithuto tsa magare ke gore e re moithuti a fetsa dingwaga tse tharo, a bo a kgona go: Bua puo ka go e farologanya ka lefelo le dipaka tse e ka dirisiwang mo go tsone. Farologanya puo ya molomo le e e kwalwang, a setse morago melawana ya mokwalo o lolameng.