Tlogatloga Buka ya morutabana

Dibuka tsa Tlogatloga jaaka leina le kaya, di rotloetsa moithuti go ikgaratlhela ka bo ene. Moithui o patelesega gore a tlolaganye, a batle kitso gore a bone thuto. Ga se dibuka tse di le tlelelang ditshwakganyana go noma maoto. Buka ya Tlogatloga 7, e lebagane le moithuti wa lekwalo Iwa bosupa. E dira moithuti setlhakga sa go bala, e bile e motsenya botsipa jwa go akanya. E mo tlhatlhelela bokgoni jwa go kwala. Puo le theetso tsone e a di mohumisa. E bula moithuti matlho gore a ele tlhoko ngwao le tsamaiso mo ga gabo. E mo aga botho ka go mo kaela gore thuto e a e tsayang mo gae e oketsa ya sekole. Fela jalo thuto ya sekole le yone e oketsa ya kwa gae. Thuto ga e ilailane. Tse ke tsone motheo wa thulaganyo e ntsha.