Tlogatloga PB Std 2

Dibuka tsa Tlogatloga jaaka leina le kaya, di rotloetsa moithuti go ikgaratlhela ka bo ene. Moithuti o patelesega gore a tlhaloganye, a ikage ka go batla kitso gore a bone thuto. Ga se dibuka tse di letlelelang ditshwakganyana go nama maoto.
Buka ya Tlogatloga 2 e lebaganye le moithuti wa mophato wa bobedi. E mo fitlhisa mo seemong sa gore a kgone motlhofotlhofo, ditiro tse di solofelwang mo go ene. E dira moithuti sethakga sa go bala e seng Setswana fela le e leng puo nngwe le nngwe e a e itseng. Ke gore, e mo tsenya botsipa jwa go buisa medumo yotlhe ya ditlhaka. E mo katisa go kwala. E mo tlhatswa puo le theetso. E bula moithuti matlho gore a ele tlhoko ngwao le tsamaiso mo ga gabo. E mo thusa go ikaga botho ka go mo kaela gore thuto e a e tsayang mo gae e oketsa ya sekole. Fela jalo thuto ya sekole le yone e oketsa ya kwa gae. Thuto ga e ilailane. Tse ke tsone motheo wa silabase e ntsha.